Cruthú Ábhair - Réamhrá

Tá a lán obair iontach ar siúl ag scoileanna ar fud na tíre. Le huirlísí bogábhair cosúil le 'Hot Potatoes', Powerpoint, Microsoft Word srl., is féidir acmhainní foghlama a chruthú atá oiriúnach don rang. Sa réimse seo (Cruthú Ábhair), beidh tú in ann eolas a fháil faoi:

• Cad iad na féidearthachtaí maidir le ábhar a chruthú asat féin
• Na huirlisí atá ar fáil
• Faoin mbogábhar atá ar fáil chun cluichí, cártaí oibre, litriú srl. a chruthú do do rang
• Faoin 'gCruthaitheoir' - uirlis ar féidir í a úsáid chun suíomh idirlín a chruthú
• Tacaíocht a chuirtear ar fáil do mhúinteoirí (An CD atá ar fáil ó Thobar)
• srl.

Conas a oibríonn Tobar ó thaobh acmhainní de?

Is infrastruchtúr é Tobar chun torthaí oibre na múinteoirí a roinnt agus a dháileadh tríd an idirlíon.

Má tá ábhar agat sa scoil, agus is cinnte go bhfuil - mar shampla: Liosta Focal Cárta Oibre Pictiúir Taispeántas i bPowerpoint srl. seol chugainn iad, agus cuirfidh muid ar fáil iad tríd an idirlíon do scoileanna na tíre!!

Uaireanta, bíonn drogall ar mhúinteoirí ábhar a sheoladh isteach. Deireann siad: "Níl toradh mo chuid oibre sách maith." "Nílim ag iarraidh é a chur os comhair múinteoirí eile." "Beidh daoine eile in ann ábhar a sheoladh isteach." Má sheolann gach scoil píosa amháin isteach, beidh tobar domhain saibhir ar fáil againn go léir!