Litir chuig na hIonaidí Oideachais:

A Chara,                          (& an Postaer - MS Word)

Ba mhaith linn thú a chur ar an eolas faoin suíomh nua idirlín Tobar.ie. Is suíomh é seo atá dírithe ar bhunmhúinteoirí chun cabhair a thabhairt dóibh ábhar teagaisc a aimsiú, a chruthú agus tairbhe a bhaint as áiseanna nuatheicneolaiochta sa seomra ranga agus i gcúrsaí oideachais go ginearálta.

Tá neart ábhar le fáil ar an suíomh atá feiliúnach don scoil. Sa bhreis ar sin, tá go leor acmhainní le fáil a chuirfidh ar do chumas ábhar a chruthú thú féin. Tá pictiúirí, bogábhar saor, inneall cruthaithe suímh idirlín agus go leor eile ann. Chomh maith, tá míreanna teagaisc ann chun úsáid a bhaint as na háiseanna seo, fóram ar-line, seomra comhrá agus liosta ríomhphoist srl. chun eolas a mhalartú.

Tá fáilte romhat cuairt a thabhairt ar an suíomh agus úsáid a bhaint as na háiseanna atá ar fáil. Má tá ceisteanna nó moltaí is féidir iad a chur in iúl san fhóram ar-líne, nó i ríomhphost chuig eolas@tobar.ie.

Le gach dea-ghuí
Foireann Tobar.ie