Conas 'An Chruthaitheoir' a úsáid

A. Faigh spás idirlín do do thionscnamh

1. Seol ríomhphoist chuig tionscnamh@tobar.ie le d'ainm, ainm do scoile agus teideal (gearr) do thionscnaimh.
2. Seolfaidh muid sonraí chugat maidir le do spás idirlín, agus teagasc gearr conas do thionscnamh a chruthú.
3. Téigh ar-líne chuig an 'seoladh baile' a chuir muid chugat [faoi chéim 2] (m.sh. www.tobar.ie/tionscnamh/ainmhinaheireann/baile)
4. Feicfidh tú teideal 'Bainistíocht do Shuiomh' ar chéad leathanach 'An Cruthaitheora'. Ansin, scríobh isteach ainm an tionscnaimh agus an focal faire chuir muid chugat [faoi chéim 2]. Anois, ta tú réidh do thionscnamh a chruthú :-)

B. leathanaigh á gcruthú

Tá dhá chéim anseo:

1. Na leathanaigh a chruthú (suas go dtí 10 lth. in aghaidh an tionscnaimh)
2. Roghchláir a chruthú (an 'menu' ar an taobh chlé a chabhróidh le cuairteoirí dul ó leathanach go leathanach)

Céim 1. - (na leathanaigh)

• Pioc dearadh ('layout') don chéad leathanach [.i. Cliceáil ar aon de na leathanaigh]
• Líon na bearnaí. Beidh tú in ann téacs a scríobh, nó a chóipeáil ó MS Word mar shampla, agus íomhanna a chur isteach atá agat cheana ar doríomhaire.
• Cliceáil ar an gcnaipe 'Cuir an leathanach i gcrích'.
• Lean ar aghaidh mar seo go dtí go bhfuil gach leathanach déanta agat.

Céim 2. - (an "Déantóir Roghchláir")

• Cliceáil ar an nasc 'Céim 2. - Go dtí an Deantóir Roghchláir'
• Líon na bearnaí. Beidh tú in ann dathanna a phiocadh don chúlra, don téacs srl. Ar an leathanach seo, beidh ort teideal (m.sh. an choinín) agus ainm an chomhad (m.sh. anchoinin) a chur ar gach leathanach.
• Beidh do thionscnamh le feiceáil ag an seoladh atá luaite sa ríomhphost teagaisc chuir muid chugat [faoi chéim 2] (m.s. www.tobar.ie/tionscnamh/ainmhinaheireann)
• Cliceáil ar an gcnaipe má tá cabhair ag teastáil uait.

Ansin, scríobh chugainn arís (seol ríomhphost chuig tionscnamh@tobar.ie) a rá go bhfuil an tionscnamh déanta agat. As seo amach, beidh tú in ann dul ar ais chuig do thionscnamh agus na leathanaigh a chur in eagair agus a athrú, íomhanna a chur isteach nó a athrú srl.